वीरगन्ज,२८ असोज : वीरगन्जको ड्राइपोर्ट नजिकै शुक्रबार बिहान मालवाहक ट्रकले ठक्कर दिँदा एक जना बृद्धको मृत्यु भएको छ ।मृत्यु हुनेमा पर्साको पोखरिया नगरपालिका वडा नम्बर १ वनकटवा घर भएका ६० वर्षीय विगा राम रहेका छन् ।
वीरगन्जको ड्राईपोर्टबाट परवानीपुर तर्फ जाँदै गरेको ना ३ ख ५७४३ नम्बरको ट्रकले बिहान १० बजे तिर पैदल सडक पार गर्दै गरेका रामलाई ठक्कर दिँदा गम्भीर घाइते भएका उनको नारायणी अस्पतालमा मृत्यु भएको पर्साका प्रहरी उपरिक्षक रमेश बस्नेतले जानकारी दिए ।
ठक्कर दिने ट्रकका चालक वीरगन्ज महानगरपालिका–१९ बिन्दवासिनी बस्ने सुजित यादवलाई प्रहरीले नियन्त्रणमा लिएको छ ।
प्रतिक्रिया लेख्नुहोस
