वीरगञ्ज, पुस १ ।
पर्सा जिल्लाबाट प्रकाशित हुँदै आएको फेमस नेपाल सन्देश साप्ताहिकका प्रकाशक शैलेश साह कानुमाथि समाचार संकलनको क्रममा दुव्र्यवहार भएको घटनाप्रति नेपाल पत्रकार महासंघ पर्सा शाखाले गम्भीर आपत्ति जनाएको छ।
नेपाल पत्रकार महासंघ पर्साले सोमबार जारी गरेको प्रेस विज्ञप्तिमा पर्साको जिराभवानी गाउँपालिकाका केही कर्मचारीहरूले समाचार संकलनमा गएका सञ्चारकर्मी साहमाथि अभद्र व्यवहार गरेको भन्दै घटनाप्रति ध्यानाकर्षण भएको जनाएको छ।
महासंघले सञ्चारकर्मीमाथि भएको दुव्र्यवहारको कडा भर्त्सना गर्दै घटनाको सत्यतथ्य छानबिन गरी दोषीमाथि अविलम्ब कारबाही गर्न सम्बन्धित निकायसँग माग गरेको छ। साथै नागरिकको सुसूचित हुने अधिकारको रक्षाका लागि सञ्चारकर्मी तथा समग्र सञ्चार क्षेत्रको सुरक्षामा संवेदनशील बन्न सरोकारवाला सबै पक्षलाई आग्रह गरिएको छ।
प्रतिक्रिया लेख्नुहोस
