वीरगन्ज, १पुष।
पर्सा प्रहरीले ठूलो परिमाणमा लागू औषध गाँजा जस्तो देखिने पदार्थसहित एक पिकअप गाडी र त्यसका चालकलाई पक्राउ गरेको छ।
विशेष सूचनाका आधारमा जिल्ला प्रहरी कार्यालय पर्सा मातहत प्रहरी चौकी सिर्सियाबाट खटिएको टोलीले मिति २०८१/०८/२९ गते राति करिब १० बजे वीरगन्ज महानगरपालिका–१७ कोनियास्थित सामुदायिक अस्पताल अलौबाट कोनियातर्फ जाने ग्राभेल सडकखण्डमा चेकजाँचका क्रममा बा.१२ च ७५५५ नम्बरको पिकअप गाडी रोकेको थियो।
चेकजाँच गर्दा गाडीको पछाडीतर्फ प्लास्टिकको बोरा र परालले छोपेर लुकाइ राखिएको अवस्थामा १२ पोकामा १७६ केजी लागू औषध गाँजा जस्तो देखिने पदार्थ फेला परेको प्रहरीले जनाएको छ। उक्त गाडी र चालक जिल्ला रामेछाप खाँडादेवी गाउँपालिका–१ निवासी वर्ष २८ का सुब्बास श्रेष्ठलाई नियन्त्रणमा लिई थप अनुसन्धान भइरहेको छ।
प्रहरीका अनुसार बरामद लागू औषध, गाडी र पक्राउ परेका व्यक्तिसहित आवश्यक अनुसन्धान कार्य अगाडि बढाइएको छ।
