भदौ,१२, विरगंज
पर्साको सखुवाप्रसौनी गाउँपालिकाले आफना पालिकाका कोहि पनि व्याक्ति बिरामी परे उपचारका लागि पर्सा जिल्लाको कुनै पनि अस्पतालमा लैजानु परे निशुल्क एम्बुलेन्स सेवा उपलब्ध गराउन शुरु गरेको छ । गाउँपालिलाका प्रमुख प्रशासकिय अधिकृत देवनाथ साहले भदौं १ गते देखि नै पालिकाले निशुल्क एम्बुलेन्स सेवा उपलब्ध गराउन थालिसकेको जानकारी दिएका हुन् । उनका अनुसार पालिकामा दुइ वटा एम्बुलेन्स उपलब्ध छन् । मधुवन मथलव स्वास्थ्य चौकी र महुवन स्वास्थ्य चौकीमा रहेका दुइ वटा एम्बुलेन्स , पालिकाका सेवाग्राहीका लागि भदौ १ गते देखि नै निशुल्क उपलब्ध गराउन थालिएको सखुवा प्रसौनी गाँउपालिकाका अध्यक्ष यशवन्त यादवले बताए । गाउँपालिकाको नवौँ गाउँ सभाबाट पारित भएको निर्णय बमोजिम भदौं १ गते देखि यो सेवा उपलब्ध गराइएको उनले जानकारी दिए । तर सखुवाप्रसौनी गाउँपालिकाका सेवाग्राहीले उपचारका लागि पर्सा जिल्लाभन्दा बाहिरको अस्पताल वा स्वास्थ्य संस्थामा जानुपरेमा भने ईन्धन खर्च सेवाग्राही स्वंयले व्यहोर्नुपर्ने अध्यक्ष यादवले बताए । यसैगरि सखुवाप्रसौनी गाउँपालिका बाहेकका अन्य नागरिकको हकमा भने साविक बमोजिम नै एम्बुलेन्स भाडा लागु हुने उनले बताए ।
