बीरगंज ,भदौ २४
जिल्ला प्रहरी कार्यालय पर्साले अवैध रूपमा ओसारपसार भइरहेको सालको गोलिया काठसहित एक जनालाई नियन्त्रणमा लिएको छ ।
प्रहरी चौकी रंगपुर टाँडीबाट खटिएको गस्ती टोलीले गएराति गस्ती गर्ने क्रममा सालको गोलिया काठसहित एक जनालाई नियन्त्रणमा लिएको जिल्ला प्रहरी कार्यालय पर्साले जनाएको छ ।
प्रहरीका अनुसार ४ फिट लम्बाइ र ४ फिट मोटाइ भएको सालको गोलिया काठ एक थान तथा काठ ओसारपसारमा प्रयोग गरिएको एक थान साइकल बरामद गरिएको हो ।
नियन्त्रणमा लिइएका व्यक्ति, बरामद काठ तथा साइकललाई थप अनुसन्धान तथा आवश्यक कारबाहीका लागि सबैया वन डिभिजन कार्यालयमा बुझाउने प्रक्रिया भइरहेको प्रहरीले जनाएको छ
प्रतिक्रिया लेख्नुहोस
