वीरगंज ६ चैत पुनम चौधरी / पर्साको वीरगंज राधेमाई वडा. १३ स्थित रहेको साउथजोन माध्यमिक विधालयको आयोजनामा सोमबार कक्षा १० का बिद्यार्थीहरुलाई बिदाई कार्यक्रमको साथै अभिमुखिकरण कार्यक्रम सम्पन भएको छ l
साउथजोन माध्यमिक विधालयद्वारा वीरगंजको क्लासिक ब्यान्केटमा सम्पन्न कार्यक्रममा एसईई दिने बिधार्थीलाई क्न्फीडेन्स बिल्डउप लागि काठमाण्डौबाट चिरपरिचित मोटीवेशनल स्पीकर तारा प्रसाद गिरीलाई बोलाई कंफीडेन्स बिल्डउपको प्रशिक्षण गराएका थिए l
सोही कार्यक्रमको अवसरमा एसईई दिने विद्यार्थीहरुलाई लक्षित गर्दै आफ्नो लक्ष्य र उदेश्य कसरी प्राप्ति हुन सक्छ भन्ने बारे जानकारी गराएको थियो साथै बिधार्थीका अविभावकहरुलाई पनि प्रशिक्षित गराइएको थियो l बिधार्थीलाई घरमा पढने वाताबरण बनाउने,पढाई प्रति उत्प्रेरित गर्ने तथा पढाईको उदेश्य बताउने कुरा सिकाइएको थियो l
विधालयका प्रधानाध्यापक सरोज प्रसाद चौधरीको अध्यक्षतामा कार्यक्रम भएको हो l सो कार्यक्रममा वीरगंज महानगरपालिकाका शिक्षा शाखा प्रमुख अरबिन्दलाल कर्ण, वीरगंज युवा समाजका कमल चौलागाई, मानव सेवा आश्रमका दिनेश गुप्ता, लगायत नर्सरी देखि कक्षा ५ सम्मका बिधार्थीको करिब ४०० अभिभावकहरुको सहभागिता रहेको थियो l
