मेघराज राय जिराभवानी भदौ २४ आसन मंसिर ४ मा हुन गईरहेको संघ र प्रदेशसभा निर्वाचनका लागि पर्सामा नेकपा माओवादी केन्द्रले उम्मेदवारहरुको टुङ्गो लगाएको छ । बुधबार बसेको नेकपा माओवादी केन्द्र पर्साको जिल्ला समन्वय समितिको बैठकले प्रतिनिधि सभाको लागि पर्सा क्षेत्र नं ४ बाट टेकबहादुर शाक्यलाई सर्बसम्मतबाट प्रत्यक्ष तर्फ उमेदवार सिफारिस गरेको हो । माओवादी मधेस प्रदेश समितिमा सिफारिस गरेको छ । माओवादी केन्द्रले प्रदेश सभातर्फ पर्साको ४ को (क) मा विजय महत्तो र वीरेन्द्र प्रसाद यादव तथा (ख) मा मुरली मनोहर तिवारी, शेख चाँद तारा ,र संतोष पटेलको नाम प्रत्यक्ष तर्फ सिफारिस गरेको छ । माओवादी पर्साका जिल्ला अध्यक्ष रामदरश कुशवाहाको अध्यक्षता र जिल्ला इन्चार्ज विजय महत्तोको विशेष उपस्थितीमा बसेको बैठकले उम्मेदवारहरुको नाम प्रदेश समितिमा सिफारिस गरेको हो ।
