२४ मंसिर, काठमाडौं ।
नेपाल प्रिमियर लिग (एनपीएल) को एलिमिनेटर खेलमा आज काठमाडौँ गोर्खाज र लुम्बिनी लायन्स आमनेसामने हुँदैछन्। कीर्तिपुरस्थित टीयू मैदानमा हुने खेल दिउँसो ४ बजे सुरु हुने छ।
लिग चरणमा काठमाडौँले ५ जित र २ हारसहित तेस्रो स्थान हासिल गरेको थियो भने लुम्बिनीले ४ जित र ३ हारको नतिजासहित चौथो स्थानबाट प्लेअफमा प्रवेश गरेको हो। दुवै टोलीबीच भएको अघिल्ला दुई खेल काठमाडौँले जितिसकेको छ।
आजको खेलको विजेताले भोलि दोस्रो क्वालिफायरमा विराटनगर किङ्ससँग प्रतिस्पर्धा गर्नेछ। उक्त खेलको विजेता शनिबार सुदूरपश्चिम रोयल्ससँग उपाधिका लागि भिड्नेछ।
प्रतिक्रिया लेख्नुहोस
