बीरगन्ज,२० भदौ । श्रोत नखुलेको ४ लाख ५० हजार नेपाली रूपैया सहित एकजनालाई पर्सा प्रहरीले पक्राउ गरेको छ ।
पक्राउ पर्नेमा बीरगन्ज महानगरपालिका वडा नम्बर १२ बस्ने वर्ष २७ को सुरज पटेल रहेका छन ।
विषेश सुचनाको आधारमा शंकराचार्य गेटस्थित सडक खण्डमा भारतको रक्सौलबाट बीरगन्जतर्फ ना.५२ प २४२० नम्बरको मोटरसाईकल रोकी चेकजाँच गर्दा हेलमेट भित्रलुकाई छिपाई श्रोत नखुलेको ४ लाख ५० हजार नेपाली रूपैया बरामद गरिएको पर्साका प्रहरी उपरीक्षक रमेश कुमार बस्नेतले बताए ।
बरामद नगद सहित पटेललाई थप आवश्यक कार्यवाहीको लागी जिल्ला प्रहरी कार्यालय पर्सामा राखी बैंक तथा वित्तीय संस्था सम्बन्धी कसुरमा कार्यवाही अगाडी बढाईएको प्रवक्ता डिएसपी दिपक गिरीले बताए ।
प्रतिक्रिया लेख्नुहोस
