सर्लाही २५ मंसिर।
सर्लाहीको बिष्णु गाउँपालिका–६ स्थित प्रहरी चेकपोस्टमा बुधबार राति चेकजाँचका क्रममा ९५ थान नक्कली नेपाली नोटसहित एक जना युवक पक्राउ परेका छन्। करिब ९ बजे भारततर्फबाट सिमरातर्फ आउँदै गरेको अनटेस्ट मोटरसाइकललाई जाँच गर्दा चालक सर्लाही कौडेना गाउँपालिका–५ छपकैया निवासी ३० वर्षीय फिरोज खानको गोजीबाट हजार रुपैयाँका ९५ थान नक्कली नोट बरामद भएको प्रहरीले जानकारी दिएको छ।
नक्कली रकमसहित खानलाई नियन्त्रणमा लिएर आवश्यक कारबाही तथा थप अनुसन्धानका लागि जिल्ला प्रहरी कार्यालय सर्लाही पठाइएको प्रहरीले जनाएको छ।
प्रतिक्रिया लेख्नुहोस
