कार्तिक २८ नीलमचौधरी/ पोखरीया नगरपालिकाका वडा नं १ का पूर्व वडा अध्यक्ष बन्का राउत कुर्मीसहित सय जनाले नेकपा एमालेमा प्रवेश गरेका छन् । कुर्मी तत्कालिन लोसपा नेपालबाट ०७४ सालको निर्वाचनमा पोखरीया नगरपालिकाको वडा नं १ को वडा अध्यक्षमा निर्वाचित भएका थिए उनी लोसपा नेपाल पार्टी पर्साका एक प्रभवशाली नेताका रूपमा पनि परिचित नेता हुन । उनी सँगै आज नेपाली कांग्रेस पार्टी र माओवादी केन्द्रका सय जना नेता तथा कार्यकर्ताहरु पनि पार्टी परित्याग गरी नेकपा एमालेमा प्रवेश गरेका छन् । नेपाली कांग्रेस पार्टी परित्याग गरी प्रमा साह , जसपा पार्टीका रूपनारायण कुर्मी , किसन ठाकुर , चन्द्रभुशन पटेल , भिखारी साहको नेतृत्वमा सय जनाले नेकपा एमालेमा प्रवेश गरेका छन् ।
नेकपा एमाले पोखरीया नगर कमिटीको कार्यालयमा आयोजित पार्टी प्रवेश कार्यक्रम सम्पूर्ण नवप्रवेशीहरुलाई नेकपा एमालेका केन्द्रिय सदस्य एवम् पर्सा क्षेत्र नं ३ का प्रतिनिधि सभा सदस्य उम्मेदवार राजकुमार गुप्ताले अबीर खाँदा लगाई पार्टीमा स्वागत गरेका हुन । उक्त कार्यक्रममा नेकपा एमाले पोखरीया नगर कमिटी अध्यक्ष विद्याचल ठाकुर , प्रदेश कमिटी सदस्य एवं पोखरीया नगरपालिकाका नगर प्रमुख प्रधुमन चौहान , राष्ट्रिय युवा संघ नेपाल पर्सा अध्यक्ष मोहमद निजाम , नेता राजेश रौनियार , सन्तोष गिरी , रवि गुप्ता लगायतको उपस्थिति रहेको थियो।
प्रतिक्रिया लेख्नुहोस
