वीरगन्ज ,२० असाेज : पर्साको जिराभवानी गाउँपालिकामा बिहीबार बिहान पानीसंगै परेको चट्याङ लागेर एक जना महिला गम्भीर घाइते भएकि छन् ।
जिराभवानी गाउँपालिका वडा नम्बर २ वसन्तपुरका लालु बछारकी पत्नी ५२ बर्षिया नथिया देवि थरुनी चट्याङले लागेर गम्भीर घाइते भएकि हुन् ।
आफनै घरमा सुतिरहेको बेलामा बिहीबार बिहान ३:३० बजेको समयमा चटयाङले लागेर थरुनी गम्भीर घाइते भएकाे ईलाका प्रहरी कार्यालय सेढवाका प्रहरी नायब निरीक्षक प्रकाश महतोले जानकारी दिए । घाइते थरुनीको वीरगन्जकाे नारायणी अस्पतालमा उपचार भैरहेको ईलाका प्रहरी कार्यालय सेढवाले जनाएको छ ।
यसैबिच चटयाङले गर्दा उक्त गाँउमा एक दर्जन भन्दा बढी स्थानीयकाे टिभी, विद्युतीय मिटर ,फ्रीज ,पन्खा लगायतका विद्युतीय उपकरणमा समेत क्षति पुगेकाे प्रहरीले जनाएको छ।
प्रतिक्रिया लेख्नुहोस
