सेढवा ३० बैशाख/ थारु कल्याणकारी समिति पर्साको उपाध्यक्ष गौतम चौधरीको मोटरसाइकल दुर्घटनामा मृत्यू भएका छन। जिराभवानी गाँउपालिका वडा नं ४ सुपौलीबाट बीरगंज जाने क्रममा शुक्रवार राती करिब ८:०० बजे चौधरीको हुलाकी सडकखण्ड अन्तर्गत रमनगरीमा दुर्घटना भएको प्रहरीले जनाएका छन। दुर्घटनामा चौधरी सडकमा र मोटरसाइकल सडकको दाहिने खेतमा लडेका थिए। तर चौधरीको दाहिने आखाको छेउमा समान्य चोट लागेको आफन्तले जनाए।चौधरीको शवलाई नारायणी अस्पतालमा पोष्टमटम गरी परिवारलाई बुझाएका थारु कल्याणकारी समिति पर्साका सचिव मनोज चौधरीले बताए।चौधरीको अन्तिम संस्कार स्थायी घर बीरगंज महानगरपालिका वडा नं २७ बस्डिल्वामा थारु समुदायको झण्डा ओढाई हिन्दु परम्परा अनुसार गरिएको सचिव मनोज चौधरीले जनाए। चौधरीको दाह संस्कारमा थारु समूदायसंग आबद्ध संघसंस्थाका सदस्यहरुको सहभागिता रहेका थिए।चौधरी थारु मेलमिलाप परिवारका सदस्य तथा लेखापढी व्यवसायी पधि रहेका थिए।
प्रतिक्रिया लेख्नुहोस
