बीरगंज , कार्तिक ९
पर्साको सखुवा प्रसौनी गाउँपालिकाले जनप्रतिनिधि, कार्यालय प्रयोजन, एम्बुलेन्स तथा अन्य प्रयोजनका लागि इन्धनमा ७२ लाख ७५ हजार ८२० रुपैयाँ खर्च गरेको छ।
प्रतिवेदनअनुसार गाउँपालिकाले इन्धनमा ठूलो रकम खर्च गरे पनि सवारीसाधन प्रयोग गर्ने पदाधिकारी तथा कर्मचारीले प्रयोग गरेको इन्धनको अभिलेख व्यवस्थित रूपमा राखेको देखिएको छैन।
त्यस्तै, गाउँपालिकाले हेभी मेसिनको सञ्चालन अवधि तथा ती मेसिनले खपत गर्ने इन्धनको मापदण्डसमेत तयार नगरी खर्च गरेको प्रतिवेदनमा उल्लेख छ।
इन्धन खर्चको स्पष्ट अभिलेख र खपतसम्बन्धी मापदण्ड नहुँदा खर्चको औचित्य, पारदर्शिता तथा नियन्त्रणको प्रभावकारितामाथि प्रश्न उठ्न सक्ने देखिन्छ। सार्वजनिक स्रोतबाट हुने खर्चलाई व्यवस्थित र पारदर्शी बनाउन सवारीसाधन तथा हेभी मेसिनको सञ्चालन विवरण, इन्धन खपतको मापदण्ड र खर्चको नियमित अभिलेख राख्न आवश्यक देखिन्छ।
